10 keshilla se si të mbani peshën e duhur pas të dyzetave

Pas moshës 40-vjeçare trupi i njeriut bie paksa në pasivitet dhe kjo e lehtëson shumë shtimin në peshë. Por duke ndjekur disa hapa të thjeshtë ju mund të ruani një peshë konstante

1. Hani fruta dhe perime

Gjysma e ushqimit tuaj duhet të jetë me perime dhe fruta. Këto të fundit kanë më shumë ushqyes të nevojshëm sesa kalori apo yndyrna. Ato ju ngopin dhe ju pengojnë nepsin e tepërt.

2. Gatuani shëndetshëm

Në vend të të skuqurave, zgjidhni gatime që kërkojnë më pak yndyrë. Gatimet e pjekura, në avull dhe të zgarës janë më të shëndetshme.

3. Jini të vëmendshëm ndaj ushqimit

Duke qenë të përqendruar tek pjata juaj dhe jo tek televizori, truri do të jetë në gjendje të kuptojë kur stomaku është i ngopur.

4. Mos hiqni dorë nga mëngjesi

Një mëngjes i shëndetshëm si ai me tërshërë ose bukë me drithëra të plota e fruta, ose vezë frenon dëshirën e tepruar për ushqime jo të shëndetshme mes vakteve.

5. Më pak ushqim në darkë

Shumica e kalorive ditore duhen marrë deri në drekë, përpara orës 15:00. Prandaj në darkë duhet të hani më pak ushqim. Gjithësesi, gjëja më e rëndësishme është ajo çfarë hani dhe jo koha kur e hani.

6. Flini mjaftueshëm

Pas të dyzetave, gjumi prishet më lehtë nga problemet e ndryshme. Mungesa e tij jo vetëm që ndikon në mirëqenien mendore, por edhe ju bën të shtoni në peshë.

7. Larg pijeve të gazuara

Pijet energjike dhe ato të gazuara janë të dëmshme. Ato ju bëjnë të shtoni në peshë dhe rrisin rrezikun e diabetit.Për më tepër, duhet të tregoni kujdes me alkolin sepse ai ju bën më të uritur.

8. Merruni me aktivitet fizik

Dyzet vjeçarët janë tepër të zënë me punë dhe aktivitete familjare. Koha për aktivitet fizik është shumë e kufizuar, por ai është shumë i rëndësishëm për peshën dhe shëndetin. Kësaj grupmoshe i nevojitet të paktën 2 orë e gjysmë aktivitet fizik apo ecje të një niveli mesatar në javë. Pas të dyzetave, njerëzit humbasin masë muskulare dhe është e rëndësishme që ata të fokusohen tek ushtrimet për muskujt.

9. Mos u stresoni

Stresi ju shtyn drejt zgjedhjeve të gabuara. Ecni, lexoni, praktikoni frymëmarrjen e thellë kundër stresit dhe mbi të gjitha tregohuni të butë me veten.

10. Kontrolloni tiroiden

Problemet me tiroiden janë shumë të përhapura në këtë periudhë të jetës. Problemet me të jo vetëm që pengojnë rënien në peshë por edhe shkaktojnë depresion, lodhje dhe dhimbje kyçesh. Bëni analiza për të kuptuar gjendjen tuaj dhe për të marrë mjekimin e duhur.

 

Start typing and press Enter to search