Më e dëshiruara, natyrisht, është “roje ishujsh tropikalë”. Por sipas disa studimeve, ka një punë edhe më të mirë. Dhe as që nuk ju shkon mendja se cila është…
ROJE NE ISHULLIN E PARAJSES
Disa vite më parë, Ben Southall, nga Petersfieldi në Britaninë e Madhe, fitoi përballë pothuaj 35 mijë kandidatëve të ardhur nga e gjithë bota, për t’u punësuar si “roje” i Ishullit Hamilton, në Barrierën e Madhe Koraleve. Paga shumë e mire, mbi 110 mijë dollarë australianë (pothuaj 75 mijë Euro) për 6 muaj punë. Mes aftësive që kërkoheshin, ishte ajo që të dinte të notonte dhe dëshira për të eksploruar ishullin. Si vendbanim iu ofrua për gjashtë muaj një vilë me tre dhoma, me pishinë. Punëdhënësi ishte departamenti i turizmit i shtetit të Quuensland në Australi, të cilit i duhej një rojë, por mbi të gjitha reklamë. Në fakt lajmërimi u publikua për ta mësuar e gjithë bota, përmes një fushate të jashtëzakonshme, magjepsja e verilindjes së Queensland.
KOLAUDUESE HOTELESH LUKSOZE
Gruaja në fotografi quhet Rhiannon Taylor dhe është 29 vjec. Disa vite më parë, krijoi “Në shtrat me Rhiannon Taylor”, një blog interneti ku vlerëson hotelet me 5 yje, duke udhëtuar nëpër botë për të provuar shtretërit, pishinat dhe shërbimin në dhomë. Falë recensioneve të saj ironike dhe pa dorashka, faqja është shndërruar në një sukses të madh dhe shumëkush i beson asaj për të programuar një udhëtim. Reklama e kompanive që shesin produkte udhëtimi, si për shembull valixhe, rroba banje dhe të tjerë, ka bërë më vonë që puna e saj të shpërblehet. Dhe në vijim, edhe hotelet filluan të paguajnë që ajo t’i vizitojë…
TESTUES RRESHKITESESH ME UJE
Cdo vit, 32-vjecari nga Anglia, Tommy Lynch përshkon më shumë se 40 mijë kilometra në botë për punën e tij: teston rrëshkitëset në parqet ujore dhe në rezortet e pushimeve. Lynch punon për First Choice Holidays dhe detyra e tij është që të kontrollojë lartësinë, shpejtësinë, sasinë e ujit dhe të gjithë aspektet e sigurisë të rrëshkitëseve, përpara se të vërsulen turistët. Vetëm në një vit i ndodh të testojë rrëshkitëse në vende pushimesh si Majorka, Egjipti, Turqia, Bregu i Diellit, Qipro, Republika Dominikane dhe Meksika. Pa marrë as edhe një ditë pushim!
SHIJUES I VEZEVE TE PASHKEVE
Në mars, e përditshmja angleze The Mirror ka rrëfyer historinë e Alex Emerson-White, 27 vjec, që për të nxjerrë jetesën shijon si degustuese zyrtare vezët e pashkëve për zinxhirin e dyqaneve Marks&Spencer. Detyra e saj, përvec se të shijojë vezët, është që të bredhë botën dhe të zgjedhë përbërësit e përsosur për t’i përgatitur. Por nuk është gjithcka kaq e bukur: “Mund të ndodhë që të ha 50-60 copa cokollate në javë – rrëfen White – që do të thotë të shtoj pesë kile. Për këtë arsye, kur nis sezoni i punës, detyrohem të shkoj në palestër katër herë në javë që të mbaj formën dhe të ruaj shëndetin”. Cfarë lodhjeje!
KOPSHTAR
18 mijë stërlina në vit (afro 25 mijë Euro), që korrespondojnë me pagën mesatare të një kopshtari anglez, janë një shifër e rëndësishme, por që vështirë se shkakton marramendje. E megjithatë, sipas një studimi të bazuar në statistika dhe të botuar nga The Guardian, ajo e kopshtarit është një prej punëve më të bukura në botë. Sipas të intervistuarve, avantazhet janë të shumtë: qëndrimi në ajër të pastër dhe puna me natyrën, qëndrimi larg nga një tryezë pune, shumëllojshmëria e punës, efektet terapeutikë të të gjelbrës, si dhe mundësia për krijimin e pejsazheve me duart e tua.
MATEMATICIEN
Dhe ja tek vjen puna e ëndrrave. Vitin që kaloi, e përjavshmja TIME botoi rezultatet e një studimi të faqes së internetit CareerCast.com mbi punët më të mira në botë. Dhe gjejeni pak: Me një të ardhur mesatare mbi 100 mijë dollarë në vit dhe një normë rritjeje 23% të parashikuar për vitin 2022, matematicieni është profesioni më i dëshiruar. Mundësitë e gjetjes së punës janë të shumta: që nga shëndetësia në teknologji, e deri në politikë. Dhe, shton TIME, “matematicienët janë të angazhiar në cdo sektor, nga brokerat e bursës deri tek shoqëritë energjetike, nga IT deri në Institutet e Kërkimeve Universitare”. Pra, pa matematicienët, duket se bota rrezikon të ndalet në vend.
