Shifra shqetësuese, çdo tre ditë një mjek kërkon largimin nga Shqipëria

Pranë Urdhrit të Mjekut deri më tani 125 mjekë kanë terhequr dokumentin që u nevojitet për t’u rregjistrur në urdhrat profesionalë jashtë vendit. Thenë ndryshe, çdo tre ditë ditë një mjek vendos të largohet.

“Fatkeqësisht edhe këtë vit fenomeni i largimit të mjekëve po vashdon me të njëtin ritëm si një vit më parë. Edhe këtë vit janë marrë deri më tani 125 çertifikata të sjelljes së mirë, një dokument që kërkohet kudo për mjekët që shkojnë jashtë për të punuar. Vitin e kaluar ne e mbyllëm më 145 ndërsa sivjet jami tek 125 kërkesa, pra pak a shumë po vashdohet me të njëjtin ritëm” – tha Presidenti i Urdhrit të Mjekut Prof.Dr. Fatmir Brahimaj për “TVSH”.

Shkaqet sipas Presidentit të Urdhërit të Mjekut mbeten kushte më të mira pune dhe vlerësimi si dhe siguri më të lartë mbrojtje nga legjislacionet e vendeve perendimore.

“Ata shkojnë për një jetë më të mirë, për një vlerësim më të mirë moral dhe material, për mundësira më të mira të rritjes në karierë. Në vendet ku shkojnë pretendojnë, dhe realisht gjejnë, një teknologji më të avancuar dhe kanë më shumë mundësi të bëjnë një mjekësi bashkëkohore. Ndihen më të sigurtë në lidhje me mbrojtjen nga legjislacioni. Kini parasysh krizën e besimit që vuajnë bluzat e bardha në vendin tonë apo edhe nevoja që ekziston për ndryshime ligjore.”

Gjermania mbetet vendi më i preferuara pasi edhe aksesi në shërbimin shëndetësor gjerman është më i lehtë, për shkak se ky vend i njeh të gjitha diplomat dhe kualifikimet që kanë bërë mjekët në çfarëdo vendi.