Shume e lehtë për t’u përgatitur, me pak përbërës dhe brenda një kohe të shkurtër, ftonjtë e pjekur përbëjnë ëmbëlsirën ideale të vjeshtës e dimrit.
Shija e përqëndruar e ftonjve, kombinuar me mjaltin e arrat është fantastike por nga ana tjetër po aq fantastike janë edhe vlerat shëndetësore të tij.
- Ai është shumë i shijshëm dhe shumë i rëndësishëm për shëndetin e njeriut.
- Ftoi është një burim i pasur me vitaminë C, kalium, bakër, hekur dhe fibër.
- Ftoi përmban elementë organikë dhe ushqimorë që ia shumëfishojnë vlerat shëndetësore atij.
- Shqiptarët e shfrytëzojnë ftoin dhe të mirat e tij gjërësisht. Ftoin e përdorin për reçel, ëmbëlsira, puding, gliko, por edhe në gatime të ngjashme me dardhën.
- Vlerat e vërteta të ftoit gjenden jo vetëm të lëkura, por edhe tek tuli i brendshëm që është i mbushur me ushqyes të rëndësishëm, vitamina, minerale, antioksidantë dhe fibër.
- Me ndihmën e pak sheqer ose edhe të mjaltit, fruti merr një shije fantastike.
Ftonj të pjekur në furrë
Përbërësit
- Ftonj
- Mjaltë
- Arra
- Pak sheqer
- Kanellë ose Karafila (Sipas dëshirës)
Përgatitja
- Pastrojini mirë ftonjtë duke u hequr fillimisht pushin në sipërfaqen e lëkurës përmes një pecete të pastër.
- Më pas, përmes një thike ndajini ftonjtë dy ose katër pjesë (sipas preferencës).
- Pastrojini nga farat në secilën prej pjesëve.
- Më pas, secilin prej copave të ftonjve i lyejmë me pak sheqer nga të dyja anët dhe vendosini me radhë në një tavë ku kemi shtruar më parë letër pjekjeje.
- I pjekim në furrë me temperaturë 200 gradë përreth 40 minuta.
- Ndërkohë, në një tas të vogël hedhim disa lugë me mjaltë dhe arra të shtypura.
- Pasi ftontjë të jenë karamelizuar i heqim nga furra dhe u hedhim sipër mjaltin me arra.
- Sipas dëshirës mund t’i spërkasim me pak pluhur kanellë ose disa karafila. Kjo ëmbëlsirë shërbehet e ngrohtë por edhe ftohtë.
Receta: AgroWeb.org
Foto: lavenderandlovage.com
