Një ndër emrat më të shqyar të shkencës, fizikanti Stephen Hawking është ndarjë nga jeta sot në moshën 76 vjeçare.
Ai vdiq orët e para të kesaj të mërkure në mënyrë natyrale në shtëpinë e tij në Cambridge, thuhet në njoftimin nga familjarët e tij. “Jemi pikëlluar shumë sot nga ndarja prej jetës e babait. Ishte një shkencëtar dhe një njeri i jashtëzakonshëm, puna dhe trashëgimia e të cilit do të jetojë për shumë vite. Do të na mungojë përgjithmonë.”
Kush ishte Stephen Hawking?
Stephen Hawking lindi më 8 janar të vitit 1942 në Oksford, Britani e Madhe. Ai është një prej fizikantëve teorik më te njohur në botë. Stephen Hawking ishte astrofizikan dhe që nga viti 1979 pronar i katedrës lukasiane dhe profesor matematike në Universitetin e Kembrixhit (detyre që mbahej dikur nga Isak Njutoni), dhe anëtar i Kolegjit Gonvil dhe Kaius, Kembrixh.
Stephen Hawking solli punë të rëndësishme mbi kozmologjinë, kurse kërkimi i tij është para së gjithash lëmi i fizikes (vrimat e zeza). Ai u bë i njohur për publikun dhe botën studimore nëpërmjet librave të tij shkencorë mbi fizikën moderne.
Në vitin 1963 Hawking u diagnostikua me Amyotrophe Lateralsklerose (ALS), që e la atë në një karrige me rrota. Por kjo se ka penguar atë të vazhdojë pasionin e tij për shkencën. Nga një prerje e kanaleve të frymëmarrjes humbi në vitin 1985, aftësinë e të folurit dhe për të komunikuar përdorte një kompjuter të posaçëm folës.
Ai është vlerësuar me disa çmime, ku mund të përmendim:
1.Presidential Medal of Freedom 2009
2.Copley Medal 2006
3.Albert Einstein Award 1978
4.Hughes Medal 1976
5.Albert Einstein Medal 1979
6.Adams Prize 1966
7.Gold Medal of the Royal Astronomical Society 1985
8.Wolf Prize in Physics 1988
9.Dannie Heineman Prize for Mathematical Physics 1976
10.Eddington Medal 1975
11.Fonseca Prize 2008
12.Special Breakthrough Prize in Fundamental Physics 2013
13.Dirac Medal of the Institute of Physics 1987
14.Prince of Asturias Award for Concord 1989
