Dhurues universalë, personat me grupin e gjakut 0 konsiderohen të jashtëzakonshëm.
Lloji i gjakut që kemi, bazohet në praninë ose mungesën e antigjeneve dhe antitrupave në gjakun tonë. Nëse keni A antigjene, grupi i gjakut është A, nëse keni antigjenet A dhe B, atëherë grupi juaj i gjakut është B, por nëse nuk keni antigjene, grupi juaj i gjakut është 0.
Ishte viti 1900 kur Karl Landsteiner botoi një artikull që për herë të parë përmendi izoaglutinimin e gjakut të njeriut, duke deklaruar se kjo ngjarje lidhej me veçantinë e gjakut të një individi dhe jo me një shkak patologjik. Një vit më vonë konkluzionet e tij çuan në identifikimin e katër grupeve të gjakut që njohim sot: A, B, 0 dhe AB.
Veçoria e grupit të gjakut 0
Ekzistojnë gjithsej 8 grupe gjaku: 0+, A+, B+, AB+, 0-, A-, B- dhe AB-. Grupi i gjakut 0 ka vetëm antitrupat A dhe B në plazmë dhe nuk ka antigjene A ose B në gjak. Kjo do të thotë se tipi më i shpeshtë i gjakut është 0+ dhe rreth 35-55% e njerëzve të komuniteteve racore dhe etnike të ndryshme kanë këtë lloj gjaku.
Grupi i gjakut 0 është dhurues universal…
Grupi i gjakut A mund të dhurojë gjak për grupin A dhe B, grupi B për grupin B dhe AB, grupi AB për personat me grup gjaku AB dhe grupi 0 për të gjitha grupet e tjera. Në fakt, duke pasur parasysh mungesën e antigjeneve jashtë qelizave të kuqe të gjakut të grupit 0, kur ata dhurojnë gjakun e tyre, sistemi imunitar i marrësit nuk mund të reagojë dhe të sulmojë gjakun e transfuzuar. Prandaj, grupi 0 është i domosdoshëm për transfuzionet emergjente ose ato që jepen për të sapolindurit.
…por mund të marrë vetëm grupin e gjakut 0
Njerëzit me grupin e gjakut 0+ mund të marrin gjak vetëm nga njerëz me grup gjaku 0 dhe 0+, ndërsa pacientët me grup gjaku 0, kanë aftësinë për të marrë vetëm grupin e gjakut 0. Në raste urgjente, siç është mungesa e gjakut 0, grupi i gjakut 0+ mund të përdoret si zëvendësues.
Rreziqet shëndetësore…
Shkencëtarët kanë vërtetuar se biokimia e gjakut tonë mund të ndikojë në shëndetin tonë në shumë mënyra. Në fakt, ka disa teori mbi rreziqet e shëndetit dhe përfitimet e një grupi gjaku ose një tjetri. Për më tepër, këto studime treguan se njerëzit që i përkisnin grupit të gjakut 0 kishin më shumë mundësi të binin në kontakt me disa infeksione bakteriale dhe virale se sa grupet e tjera të gjakut. Infeksione si murtaja, kolera, shytat, dhe tuberkulozi, gjithashtu kanë një incidencë më të lartë të ulçerave të duodenale.
…dhe avantazhet
Grupi i gjakut 0 ka rrezikun më të ulët të sëmundjeve koronare të zemrës në krahasim me grupet e tjera. Në të vërtetë, ky studim tregoi se njerëzit që i përkasin një grupi gjaku jo 0, kishin 25% më shumë gjasa për t’u prekur nga kanceri pankreatik.
