Genti Daku, eshtë biri i dy emigrantëve shqiptarë në Shtetet e Bashkuara të Amerikës, por ja ka dalë të shkëlqejë duke përfunduar maturën me medalje ari dhe duke u renditur në më të mirët e SHBA-së.
Duke dale nje nga studentet me te mire, bashke me 129 te tjere ne te gjithe Shtetet e Bashkuara te Amerikes, Genty eshte dekoruar nga Presidenti Barack Obama si një ndër studentët më të mirë të këtij shteti.
Genti Daku nxënës i shkollës së Backburgut, më pas student i Harvard-it ia ka arritur që kaq i ri të jetë i suksesshëm. Zgjedhja e tij mes 129 studentëve të tjerëve u bë pas rezultateve të tij të SAT-it, në matematikë dhe lexim. Genti kishte kapur 2390 pikë.
“Unë pata rekomandim nga këshilltari im i cili më udhëzoi të shkruaja gjashtë ese. Ishin ese në lidhje me ndikimin që kam pasur në komunitetin tim, bindjet e mia”, rrëfen Genti për mediet amerikane.
Ai njëkohësishtshkroi për fondacionin e prindërve të tij “Fondacioni Shqiptar i së Ardhmes”, ku Genti u mëson të rinjve anglisht. Ai u shpall gjysmë-finalist dhe më 4 maj mori lajmin e mirë.
Studentët shqiptarë kanë treguar aftësitë e tyre duke rrëmbyer medalja përtej kufijve. Vetëm pak ditë më parë ishte Gledi Kallço nga Durrësi i cili u rendit i treti në Olimpiadën Ndërkombëtare të Matematikës që u zhvillua në Hong-Kong.
Rasti i Gentit tashmë ka nisur të shpërndahet në rrjetet sociale, si shembull i suksesit dhe model për bashkëmoshatarët e tij.
