Aroma marramendëse e shampanjës varet krejtësisht nga cilësia e flluskave të saj. Ky është përfundimi i një studimi nga një grup fizikantësh të Qendrës Kobëtare të Kërkimit Shkencor (CNRS) në Francë, që riprodhojnë në detaj gjithë rrugëtimin e “perlave” të shijshme nga lindja e tyre, gjatë fermentimit të rrushit, deri tek hedhja nëpër gota.
Ky studim shfaq faktorë të ndryshëm që kushtëzojnë shijen dhe aromën e shampanjave. Në fakt, shija e saj nuk varet vetëm nga temperatura në të cilën serviret apo nga forma e gotës, por edhe nga numri i flluskave dhe sasia që ato kanë të dioksidit të karbonit dhe materialeve të lehta organike (molekulat përgjegjëse për aromën).
Jeta një flluske gazi është riprodhuar në detaj falë një modeli të ri fizik
Flluska e gazit lind me fermentimin e rrushit, që krijon dioksid karboni, vazhdon në shishen e mbyllur, ku molekulat e gazit mbeten në një situatë të ekuilibruar, më pas përfundon me krijimin dhe ngjitjen e flluskave drejt grykës. Madje edhe shpërbërja dhe shpërthimi i tyre gjejnë një shpjegim shkencor falë studimeve më të fundit të zhvilluara nga grupi i Thomas Seon në Universitetin “Pierre et Marie Curie” në Paris.
Rezultatet tregojnë se flluska shpërthen pasi arrin pikën e kontaktit mes shampanjës dhe ajrit, duke krijuar mijëra pika të vogla që krijon një “bombë” të pasur me molakula të aromës.
