Mishi i prere per biftek eshte nje nga pjatat me te preferuara shqiptare. Ne kete recete e sjellim me nje shije ndryshe, qe besojme se do ta pelqeni shume.
Përgatitja: 5 minuta
Pjekja: 6-10 minuta
Për racion: 380 kalori; 26 g yndyrna (11 g prej të cilave janë të ngopura); 0 g karbohidrate.
Përbërësit për 4 persona: 2 lugë gjelle vaj ulliri; 2 lugë gjelle kokrra piperi të zi; 4 x 175 g biftek; 2 lugë gjelle ullinj të zinj, pa bërthamë dhe të grira hollë; 1 lugë gjelle kapari, e grirë hollë; lëkura dhe lëngu i ½ limoni.
- Nxehni vajin në një tigan antingjitës. Fërkoni çdo biftek me piperin e zi dhe skuqini për 3 minuta në çdo anë, nëse i pëlqeni jo shumë të pjekur dhe 4-5 minuta nëse i doni të pjekur mirë. Ruajini në të ngrohtë, ndërkohë që përgatisni gjalpin.
- Hidhni përbërësit e mbetur në një tas të vogël dhe rrihini së bashku. Shërbejeni çdo biftek me një shuk nga gjalpi i përgatitur.
Keshilla: Përgatisni dyfishin e sasisë së gjalpit. Mbështilleni me qese ushqimore dhe ngrijeni për një javë. Ky lloj gjalpi shkon edhe me makaronat, përzier me pjesë të mbetura të pulës së pjekur.
Nese e gatuani te zgares…
Ja se cfare duhet te mbani parasysh kur e gatuani mishin ne kete menyre:
- Mishi duhet të jetë në temperaturë ambienti.
- Zgara duhet të jetë shumë shumë e nxehtë në momentin që do të vendosni biftekun.
- Duhet ta kriposni vetëm pasi është pjekur kështu që mishi nuk do t’ju forcohet. Kjo ndodh vetëm me kripën e imët, pasi me kripën e trashë, po ta shtoni te zgara, mishi do të marrë shije.
- Piqeni 3-4 minuta nga çdo anë dhe të mos e shponi mishin me pirun, pasi i dalin jashte lengjet dhe mishi forcohet.
Foto: foodtolove.co.nz
