Më poshtë do të mësoni disa nga cilësitë që tregojnë se keni karakter të fortë.
Ndoshta nuk mund të keni një karakter të fortë, por një personalitet të tillë mund ta “kalisni”. Njerëzit e fortë nuk kanë as më pak e as më shumë veçse 12 cilësitë e mëposhtme.
Dinë si të balancojnë emocionet me logjikën.
Mos lejoni që emocionet tuaja të mposhtin logjikën sa herë duhet të merrni ndonjë vendim të rëndësishëm. Nëse keni karakter të fortë, atëherë dini si t’i balanconi të dyja.
Dinë si ta shpenzojnë kohën.
Shumica prej nesh mund të gjejë një mijë justifikime për t’ju shmangur përgjesive dhe punëve që duhen mbaruar në kohë. Por personat e fortë, fokusohen tek ajo cfarë ata vërtet duan të bëjnë pa humbur kohë më punë joproduktive.
Dinë se si të përshtaten me ndryshimet.
Jeta ndryshon vazhdimisht dhe disa e kanë të vështirë të përshtaten me ndryshimet. Karakteret e fortë përshtaten shpejt me çdo lloj ndryshimi.
Përballen me fobitë e tyre.
Shumë njerëz i shmangin ato; të tjerë përballen me to thjesht për t’u dukur mirë. Por personat e fortë mendërisht nuk kanë asgjë për të provuar. Ata përballen me çdo vështirësi pa dhënë ndonjë reagim.
Mësojnë nga gabimet.
Njerëzit me karakter të fortë as nuk justifikohen dhe as nuk i fshehin gabimet nga të tjerët ata thjesht përpiqen të mësojnë prej tyre.
Festojnë sukseset e të tjerve.
Në vend që të mbylleni në shtëpi nga xhelozia, urojini miqtë, kolegët për sukseset e tyre. Kjo ju bën një person më me vlera.
Fokusohen në përmirësimin e aftësive dhe jo për t’i treguar ato tek të tjerët.
Në përgjithësi synohet të përmirësojmë aftësitë tona për të marrë aprovimin nga të tjerët, por këtë nuk e bëjnë ata që kanë karakter të fortë. Ata vazhdimisht kërkojnë më shumë nga vetja, por jo për të tjerët.
E dinë se durimi është çelësi i suksesit.
Personalitet e mëdha e dinë se ndoshta u duhet edhe një kohë e gjatë deri sa të marrin frutet e punës.
I shikojnë vështirësitë si një mundësi.
Çdo problem që ju del përpara është një mundësi për ju që të shikoni dhe të përmirësoni aftësitë tuaja. Njerëzit zakonisht acarohen kur ndeshem me një problem, por jo tipat e fortë. Ata i pranojnë sfidat për t’u bërë akoma më të suksesshëm.
Ngrihen përsëri sa herë që rrëzohen.
Për njerëzit e fortë, rënia nuk është përfundimi i një rruge, por fillimi i saj.
Optimistë dhe realistë në të njëjtën kohë.
Para çdo pengese kjo kategori liderësh është gjithnjë pozitive por edhe me këmbë në tokë.
Janë gjithnjë gati për të mësuar.
Një ditë e re, person i ri, eksperiencë e re. Personat e fortë janë gjithnjë gati të mësojnë rreth çdo gjëje që u del përpara.
