Rrudhat mund te rrallohen deri ne zhdukje nese ju e nisni ditën me këtë gjimnastikë. Pervecse tonifikon fytyrën tuaj, ky masazh eshte edhe humorndjellës.
Çrrudhni qepallat
Me gishtat tregues, ushtroni një presion të lehtë në bordurën e jashtme të qepallave. Mbyllini shumë fort sytë, derisa të ndjeni vibrime në qepalla. Mbajeni pozicionin për 20 sekonda, pastaj lëshojeni.
– Përsëriteni 3 herë.
Zgjoni të gjithë muskujt
Më këmbë, para pasqyrës, hapeni shumë gojën dhe shqiptoni shumë herë zanoret, duke i tepruar lëvizjet e nofullës dhe duke vazhduar gjithnjë e më shpejt.
– Praktikojeni për 2-3 minuta.
Forconi mjekrën
Kaloni një dorë nën mjekër, me pëllëmbën e orientuar nga toka, pastaj shtyjeni nofullën e lëvizshme për nga poshtë, duke bërë rezistencë me gishta. Mbajeni pozicionin për 20 sekonda, pastaj lëshojeni.
– Përsëriteni 3-4 herë.
Tonifikoni qafën
Tërhiqeni lehtas kokën prapa dhe mbështetini pëllëmbët e duarve në qafë, nën mjekër. Ngadalë, rrëshkitini pëllëmbët deri te dekolteja, duke ushtruar një shtypje të lehtë me gishta.
– Përsëriteni 3 herë, duke filluar gjithmonë nga lart.
Shtrini ballin
Vendosini majat e gishtave në të dyja anët e ballit, në rrënjët e flokëve. Ushtroni shtytje të vogla, ndërkohë që i rrëshkisni gishtat pak nga pak përgjatë ballit deri te gropa e tëmthave.
– Përsëriteni 2 herë.
Lehtësoni borsat e syve
Vendosni majat e gishtave nën sy, nga të dyja anët e hundës, duke shtypur lehtësisht. Ruajeni pozicionin 2-3 sekonda, pastaj lëshojeni.
– Përsëriteni 10 herë.
Aktivizoni qarkullimin
Vendosini pëllëmbët e duarve mbi faqe. Ngjituni ngadalë drejt mollëzave, pastaj, me lëvizje rrethore (nga mollëzat te veshët, pastaj drejt pjesës së poshtme të fytyrës), masazhohuni në mënyrë energjike.
– Praktikojeni për 1-2 minuta.
Një ritual i vogël mëngjesor
Kjo gjimnastikë fytyre prej 5-6 minutash shtrin lëkurën, favorizon qarkullimin e gjakut dhe qetëson fytyren tuaj. Praktikojeni pas pastrimit të makijazhit dhe para kremit.
