Daniella Alvarez asnjëherë nuk kishte dyshim se do t’i kthehej vallëzimit pasi mori vendimin që të amputonte një pjesë të këmbës së saj të majtë, shkruan DailyMail.
Të dielën, ish-Miss Kolumbia 32-vjeçare ndau me ndjekësit në Instagram një video duke vallëzuar me vëllanë e saj, Ricky Álvarez.
“Duke shtuar një ritëm të shpejtë në jetë me partnerin tim të preferuar @rickyalvarez. Vështirësitë nuk kanë rëndësi! Ne duhet të jemi elastik në jetë!!”, ka shkruar ajo.
E lindur në Barranquilla, Alvarez që përfaqësoi kombin e Amerikës së Jugut në konkursin Miss Universe 2012, mori vendim në mesin e qershorit për t’iu nënshtruar operacionit pasi mjekët hoqën një masë në barkun e saj.
Operacioni shkaktoi komplikime pasi masa ishte mbështjellë rreth arteries së saj kryesore të aortës. Pasi zhvilloi bisedime me mjekë dhe ekspertë, ajo vendosi që pjesa e poshtme e këmbës së saj të majtë të hiqet.
