Shkencëtarët zbulojnë gjenin përgjegjës për thinjat
Ne nje artikull te meparshem ju kemi treguar se cilat jane ushqimet qe shkaktojne thinjat. Nderkohe qe sot vijme me nje zbulim te ri qe kane kryer studiuesit e University College of London, te cilet kane arritur te zbulojne gjenin përgjegjës për thinjat.
IRF4 – shkaktari kryesor
Nga analizat që iu bënë më shumë se 6300 njerëzve nga pesë shtete të Amerikës Latine, kërkuesit shkencorë dolën në përfundimin se një gjen i quajtur IRF4 është ai që shkakton thinjen e flokëve.
Autori kryesor i studimit, Dr. Kaustubh Adhikari, nga University College of London prononcohet për Daily Mail: “Kemi njohur deri tani disa gjene që lidhen me ngjyrën e flokëve dhe rënien e tyre, por për herë të parë kemi identifikuar një gjen që shkakton thinje të flokëve tek njerëzit, si dhe gjene të tjera që ndikojnë tek forma e flokëve dhe dendësia e tyre”.
Gjeni i quajtur IRF4 rregullon melaninën, pigmentin përgjegjës për ngjyrën e flokëve, të lëkurës dhe syve. Gjeni qëndron në kromozomin e gjashtë dhe mendohet se është i vetmi që shkakton thinjen e flokëve. Njerëzit që kanë një gjen të tillë thinjen më shpejtë se të tjerët.
Përveç gjenetikës, faktorë të tjerë që ndikojnë në thinjen e flokëve janë edhe stresi, duhani, faktorët mjedisorë, rrezet ultravjollcë dhe ndotësit e ajrit etj.
https://femra-moderne.com/5-ushqimet-qe-shkaktojne-thinjat/
femra-moderne.com
