Të uroj mjaftueshëm – një histori e shkurter e shkruar nga Bob Perks*. Ja vlen ta lexosh sepse ndihmon të kujtojmë se çdo gjë në jetë ka një qëllim.
Pak kohë më parë, në aeroport, ndërsa prisja orarin e imbarkimit, më kapi veshi përshëndetjen e dy njerëzve. Atë e bijë, të përqafuar, po bëheshin gati të ndaheshin, kur babai i tha të bijës: “Të dua shumë! Të uroj mjaftueshëm!”.
Kaq! Të uroj mjaftueshëm! Nuk e kisha dëgjuar kurrë një gjë të tillë.
Pak momente më vonë, qëlloi që në avion të isha ulur pranë këtij babai. Me gjithë përpjekjen për të mos u treguar i pasjellshëm, nuk durova dot dhe i tregova që e kisha dëgjuar në aeroport ndërsa ndahej me bijën e tij:
– Mund t’ju pyes: Çfarë do të thotë ai urim?- e pyeta.
Burri pranë meje buzëqeshi.
– Është një urim që e kemi përcjellë ndër breza, – më tha.
– Prindërit e mia e thoshin gjithmonë, për këdo.
Ndaloi për pak, pastaj u kthye nga unë, më buzëqeshi dhe më uroi:
-Të uroj mjaftueshëm diell që të të ndriçojë shpirtin sado gri të të duket dita.
-Të uroj mjaftueshëm shi që ta vlerësosh diellin akoma më tepër.
-Të uroj mjaftueshëm lumturi që të të mbajë gjallë.
-Të uroj mjaftueshëm dhimbje që edhe kënaqësitë më të vogla në jetë të të duket të mëdha.
-Të uroj mjaftueshëm arritje që të kënaqësh ambicien tënde.
-Të uroj mjaftueshëm humbje që të vlerësosh gjithçka që ke arritur.
*Bob Perks është një autor, tregimtar, trajner dhe drejtues motivues, specialiteti i të cilit është potenciali njerëzor. Mesazhi i tij – “Unë besoj në ju!” – ka rezonuar me mijëra njerëz që po kërkojnë të rrisin vetëbesimin dhe aftësitë e tyre të komunikimit. Historia e nënshkrimit të Bob, “Të uroj mjaftueshëm”, ka rrethuar globin nëpërmjet internetit. Perks është gjithashtu autori i një romani, “Fluturimi i një jete të përjetshme”. Për më shumë informacion, vizitoni faqen e tij të internetit, http://www.bobperks.com.
