Supë me mish viçi dhe perime

Nje supë e shijshme dhe e pasur me vlera ushqyese.

Përbërësit:

  • 1 kg mish
  • 5 patate të prera në kubikë;
  • 2 karota të prera në feta;
  • 2-3 degë selino të prera trashë;
  • 5 lugë salcë domatesh;
  • 1 filxhan çaji makarona të vogla (yje apo forma tjera);
  • 3 lugë vaj ulliri;
  • kripë e piper.

Pergatitja:

  • Presim mishin në copa të vogla dhe e vëmë të ziejë në një tenxhere të madhe. Zierja bëhet në zjarr mesatar, derisa mishi të jetë pothuajse gati. Nga mesi i zierjes shtojmë kripë sipas dëshirës.
  • Në vazhdim hedhim në tenxhere patatet, selinonë, karotat dhe vajin. I lëmë të ziejnë derisa të zbuten.
  • Pasi të jenë pothuajse gati, i nxjerrim perimet dhe mishin nga tenxherja me ndihmën e një luge të madhe me vrima. Hedhim në ujë makaronat dhe i lëmë të ziejmë për 5-6 minuta.
  • E rregullojmë me kripë e piper dhe hedhim salcën. Shtojmë mishin dhe perimet dhe i lëmë të ziejnë derisa të bëhen gati makaronat. Gjatë zierjes shtojmë pak ujë të nxehtë nëse konsiderohet e nevojshme.

Start typing and press Enter to search