Biblioteka e shtepise: ide, dizajne dhe keshilla

Biblioteka ne shtepi, simbol i sofistikimit dhe të mësuarit.

Në këtë artikull do ju tregojmë 22 ide të mrekullueshme dizajnesh për bibliotekën e shtëpisë

Pergatiti: Rea Hyseni

Është e vërtetë që jetojmë në një kohë kur gjërat që shfaqen në ekranet e videove tërheqin më shumë vëmendje. Por gjithashtu, nuk ka asgjë më të mirë në fund të një dite të llodhshme, ose fillimi i një fundjave të gjatë, sesa të rrokullisesh me një libër të mirë në dorë.

Biblioteka në shtëpi është me të vërtetë një luks (dhe mos e lejoni që interneti t’ju bëjë të dyshni për një çast në nevojshmërinë e një biblioteke).

Librat janë këtu për të qëndruar, asnjehere nuk duhet te mungoje nje biblioteke ne nje shtepi. Kjo pasi librat janë një simbol i sofistikimit dhe të mësuarit.

Në fakt, ndoshta, biblioteka e shtëpisë do të gëzojë një ringjallje pasi të gjithë po fillojnë të dëshirojnë një shkëputje nga lidhja me teknologjinë. Biblioteka në shtëpi mund të jetë pushimi ynë nga pajisjet elektronike dhe ekranet.

Librat janë më shumë se një hobi apo “zbukurim”, ata janë një pasion dhe si çdo koleksion tjetër i kuruar për vite me rradhë, librat në shtëpitë tona meritojnë më shumë sesa thjesht magazinim. Ato duhet të shfaqen dhe të bëhen të dukshme në bibliotekat shtëpiake.

Nëse po kërkoni të krijoni një vend të shenjtë për fjalën e shkruar në shtëpinë tuaj, këtu janë disa kryevepra frymëzuese që do t’ju fusin në punë.

Një bibliotekë në dhomën e ndjenjës ju jep më shumë hapësirë dhe mundësi për të vendosur librat e të gjithë pjesëtarëve.

Mund t’i mbani raftet me të njëjtën ngjyrë si korniza (shpesh e bardhë), por shumë njerëz pëlqejnë të luajnë me to. Për shembull, nëse ngjyra e rafteve është më e errët se muret, hijet e rafteve do të krijojnë një ndikim të fortë.

Biblioteken mund ta përdori për të mbajtur elemente dekorative, përvec librave. Librat dhe arti shkojnë dorë për dore. Nuk ka asgjë më të mirë se disa objekte dekorative me forma të pazakonta ose fotografi interesante.