Shpesh herë dëgjon miqtë, apo të afërmit, të cilët shprehen se, nuk e nisin dot ditën pa pirë kafenë e mëngjesit. Ose të tjerë që ankohen për dhimbje koke, këputje, lodhje dhe mungesë energjie, nëse nuk e pijnë në kohën e caktuar atë.
Mirëpo studiuesit kanë një tjetër përgjigje për vesin e kafesë së mëngjesit. Ata shprehen se kafeja e mëngjesit është mirë të pihet rreth orës 10 dhe jo më herët.
Sipas studimeve nëse kafeja pihet në orën 10, kafeina do të ketë efekte më të dukshme duke ju zgjatur dhe shtuar energjitë.
Ka nga ata që e pinë kafenë në harkun kohor 08:00-09:00 të mëngjesit. Gjatë kësaj kohe kafeja është e panevojshme për shkak të kortizonit, i cili çlirohet në trupin tonë në mëngjes dhe vepron si një kafeinë natyrale.
