Patellxhan si erashke me domate dhe mocarela
Qe kur mesova per vlerat e mrekullueshme te patellxhaneve per shendetit, fillova te mendoja per menyra te reja se si t’i gatuaja. Dhe duke kerkuar per receta me patellxhane, gjeta edhe kete ide fantastike. Jo vetem qe duket shume e mire, por edhe shijon shume. Ja vlen ta keni ne tavolinen tuaj te drekes, si pjate kryesore, por edhe si pjate shoqeruese, te cilen mund ta ndani me pjesetaret e tjere te familjes. Nuk eshte shume e veshtire per t’u pergatitur, madje me te thjeshte nuk ka. Po ju tregoj se cfare ju duhet dhe se si ta beni:
Perberesit:
- 1 patellxhan
- domate
- mocarela (per pica)
- djathe feta
- kripe
- piper
- trumze (ose rigon)
Menyra e gatimit:
- Merrni patellxhanin dhe priteni per se gjati, deri ne afersi te bishtit.
- Merrni domatet dhe mocarelen pritini ne feta. Futni nje fete domate, nje mocarela, nje domate, nje mocarela ne mes te cdo prerje patellxhani. Vazhdoni derisa ta mbushni te gjithe patellxhanin.
- Me kujdes vendoseni ne nje tave furre.
- Sperkateni siper me pak djathe feta te therrmuar. Rregullojeni me kripe e piper.
- Hidhini pak trumze te thate perziper dhe ne fund vaj ulliri. Nese nuk keni trumze, mund ta zevendesoni me rigon.
- Futeni patellxhanin “si erashke” ne furren e parangrohur dhe piqeni per 15 minuta ne 220 grade celcius
Nese ju pelqejne patellxhanet, ju ftoj te lexoni edhe kete recete: Mini pica me feta patellxhanesh. Eshte po aq e thjeshte, e shijshme dhe e bukur per syrin.
