Në Greqinë e lashtë Sokrati kishte një reputacion të madh për mençurinë.
Një ditë dikush erdhi për ta takuar filozofin e madh dhe i tha:
– A e di atë që sapo kam dëgjuar për mikun tënd?
– Një moment të lutem, iu përgjigj Sokrati. – Para se të më thuash, do të doja të të jepja një test, atë të tre sitave.
– Tre sita?!
– Po, – vazhdoi Sokrati. – Para se të tregosh gjithçka për të tjerët, është mirë të marrësh kohë për të filtruar (situr) atë që dëshiron të thuash. Këtë e quaj test të tre sitave. Sita e parë është e vërteta. A ke kontrolluar nëse ajo që më thua është e vërtetë?
– Jo… sapo kam dëgjuar për këtë…
– Shumë mirë. Pra, nuk e di nëse është e vërtetë. Ne vazhdojmë me sitën e dytë, atë të mirësisë. Çfarë do të më tregosh për mikun tim, a është diçka e mirë?
– Ah jo! Përkundrazi.
– Pra, – vazhdoi Sokrati, – do të më tregosh gjëra të këqija për të dhe nuk je i sigurt se a janë të vërteta. Ndoshta ti ende mund ta kalosh testin, mbetet sita e tretë, ajo e dobishmërisë. A është e dobishme që unë të di se çfarë mund të ketë bërë e thënë ky mik për mua?
– Jo, me të vërtetë jo.
– Pra, – përfundoi Sokrati, – ajo që ti do të më thuash është; as e vërtetë, as e mirë dhe as e dobishme; pse dëshiron të ma thuash?
Lexoni edhe: Shprehjet me te bukura te Sokratit
