Kompostoja e qershise eshtë një nga recetat më të ëmbla dhe te shijshme të stinës. Mesoni se sa e thjeshte eshte përgatitja e kompostos me qershi.
Përbërësit per 2 kavanoza
- 1 kg qershi (me ngjyrë të fortë, të kuqe ose të zeza)
- 6-7 lugë gjelle sheqer
- 1 kavanoz ujë
- 2-3 lugë gjelle lëng limoni
Përgatitja
- Pastroni qershitë nga bishtat (nëse dëshironi mund t’u hiqni dhe bërthamat me nje mjet te posacem).
- Lajini me ujë të rrjedhshëm dhe lërini që të kullojnë mirë.
- Mbushni kavanozat me qershi, por jo deri ne gryke. (Mbushini deri ne gjysme ose trecerek).
- Në një tenxhere të madhe, shtoni ujin, sheqerin dhe lëngun e limonit.
- Pasi sheqeri nis të shkrijë lëreni shurupin të ziejë edhe për 5 minuta.
- Shtoni shurupin e përgatitur, i cili duhet të jetë i ngrohtë, ne kavanozat me qershi.
- Lërini rreth 10 minuta dhe më pas mbyllini kavanozat me kapak.
- Vulosni mirë kavanozat duke i futur në një tenxhere me ujë deri nën kapakët e kavanozave pa i mbuluar tërësisht ata.
- Vendoseni tenxheren në zjarr dhe lëreni të zjejë përreth 20 minuta.
- Më pas largojini vazot nga zjarri dhe lërini të ftohen.
- Kavanozat me komposto mund t’i ruani në një vend të freskët ose në frigorifer.
Keshille: Mos harroni qe, para se te pergatisni komposton, te steriziloni kavanozat që do përdorni për mbajtjen e kompostos.
Per nje shije unike: Nëse preferoni brenda kavanozave mund të vendosni nga një shkop kanelle, disa karafila apo edhe pak vanilje.
