Një racion me supë me thjerrëza plotëson pothuaj të gjithë nevojën tuaj ditore për hekur.
Supa me thjerrza përbën një vakt të shëndetshëm për këdo që e konsumon, jo vetëm për vlerat shëndetsore që ka por edhe për efektet mbrojtëse që i dhuron organizmit kundër të ftohtit dhe virozave gripale të stinës.
E ngrohtë, e shijshme dhe pak pikante kjo është një pjatë fantastike, e cila falë ushqyesve që ka plotëson në mënyrë perfekte normën ditore të organizmit për fibra, hekur dhe proteina.
Thjerrëzat janë një burim i shëndetshëm karbohidratesh, një ushqyes makro të cilin organizmi e transformon në glukozë dhe më pas në energji.
Nevojat ushqimore të njeriut variojnë dhe janë të bazuara tek pesha, stili i jetës dhe gjinia, megjithatë një vakt mesatar duhet të ofrojë 300-600 kalori. Rrjedhimisht, supa me thjerrëza është ideale për ata që duan t’i përmbahen rekomandimeve për këtë sasi kalorish.
Vlerat shëndetsore
- Supa me thjerrëza është një burim i mirë proteinash dhe fibre. Çdo racion i kësaj supe përmban 11.1 gramë fibër që plotëson një pjesë të rëndësishme të dozës prej 25-38 gramë të fibrës që duhet të konsumoni çdo ditë.
- Fibra i bën mirë sistemit tretës dhe zorrëve, duke parandaluar diarenë, konstipacionin dhe sëmundje të tjera të aparatit tretës.
- Një racion me supë me thjerrëza plotëson pothuaj të gjithë nevojën tuaj ditore për hekur.
- Në mesin e ekspertëve të mjekësisë popullore besohet se ushqimet pikante mund të luftojnë të ftohtit, ky është edhe rasti i supës me thjerrza.
- Efektet mirëbërëse të ushqimeve pikante arrijnë të çlirojnë rrugët e frymëmarrjes nga sekrecionet. Alicina që gjendet tek hudhra, një nga përbërësit e kësaj supe, është shumë e dobishme kundër të ftohtit dhe gripit.
- Për të përfituar maksimalisht nga vlerat mbrojtëse të kësaj supe, AgroWeb.org sugjeron një recetë të lehtë për përgatijen e saj në kushtet e shtëpisë.
Përgatitja e Supës me Thjerrza
Përbërësit
- 2 lugë gjelle me vaj ulliri ekstra të virgjër
- 1 qepë të madhe të grirë hollë
- 2 karrota të grira
- 2 thelpinj hudhër
- Gjysëm luge me spec djegës pluhur
- 1 lugë çaji me rigon të thatë
- 1 filxhan çaji me thjerrëza
- 420g domate të konservuara
- 6 gota me lëng perimesh
- Një lugë e gjysëm çaji me kripë
- Gjysëm luge çaji me piper të zi të bluar
Udhëzimet
- Qëroni dhe shtypni thelpinjtë e hudhrës. Lërini mënjanë për 5-10 minuta që të çlirojnë të gjithë substancat mirëbërëse.
- Ngrohni vajin e ullirit në tenxhere. Shtoni qepën dhe kavërdiseni për 3 minuta duke e përzier herë pas here.
- Shtoni lëngun e perimeve, thjerrëzat, karrotat, specin djegës, rigonin, kripën dhe piperin. Lërini të ziejnë për 25 minuta me kapak të mbyllur.
- Shtoni hudhër dhe lëreni të ziejë edhe për 5 minuta të tjera.
- Servireni nëpër pjata dhe hajeni të ngrohtë.
Teksti: AgroWeb.org
Foto: levanacooks.com
